lunes, 28 de febrero de 2011

ESPAÑA: Naz MONOROCK.NET, la radio de los grupos asturianos

El 1 de febreru entamó a funcionar una nueva radio online "col enfotu de promocionar a los grupos de rock d'Asturies".

La radio pretende consolidase nel tiempu, como una referencia de la música rock d'Asturies, aidando a los grupos y solistes, a promocionar al máximu los sos cantares y temes.

Monorock naz col enfotu de pretender ser "daqué más qu'una radio o una web, la idea ye la de crear un auténticu serviciu pa los  grupos y pa los oyentes lóxicamente".

Monorock ye una emisora ensin ánimu d'arriquecimientu, ensin publicidá, y que nun xestiona nengún cantar que los sos derechos sían xestionaos pola SGAE .

Monorock.net ufierta información de conciertos, ta preparando un gran festival de rock, pequenos conciertos de promoción, y va crear un ciclu de conciertos online, onde los músicos van emitir en directu dende los sos locales d'ensayu.

Monorock emite 24 hores al día, los 7 díes de la selmana, alternando programes en directu y en diferíu. Anguaño suenen nella, más de 20 grupos d'Asturies, dalgunos d'ellos con dellos trabayos discográficos nel mercáu, destacando asina la calidá de los mesmos, con estilos que van dende'l pop rock, al metal estremo.

Fuente: Info Asturies, España

No hay comentarios: